تقارير وكتب
تفتيش السيارات
Submitted by مُعذَّب1 on Tue, 2008/11/25 - 00:06.
أعمل إيه لو كنت ماشي بسيارتي و الشرطة وقفتني و طلبت أفتح شنطة السيارة؟
مش من حق الشرطة تفتش شنطة عربيتك دون إذن تفتيش و ارفض تفتح شنطة سيارتك لأي حد ما فيش معه إذن تفتيش لك أو لسيارتك
من حق الشرطة تفتيش صالون سيارتي الخاصة؟
مش من حق الشرطة تفتيش السيارات الخاصة بغير إذن من النيابة العامة أو من المحكمة أو في غير أحوال التلبس بجريمة، و لا دون رضا أصحابها أو حتى فتح أبواب السيارة. read more »
( categories: )
التفتيش بالرضا
Submitted by مُعذَّب1 on Tue, 2008/09/02 - 23:45.
يعني إيه تفتيش بالرضا؟
يعني الضابط أو الأمين يطلب منك أنه يفتشك و أنت توافق على تفتيشك بإرادتك أو توافق على تفتيش بيتك أو مكتبك أو دكانك برضاك أو برضا ال ينوب عنك في المكان زي زوجتك1 أو والدك المقيمين معك في البيت، لكن ما يجوزش الرضا يكون من طرف البواب أو الخدامة أو أي حد شغال عندك أو غير مقيم معك في نفس السكن. read more »
( categories: )
التفتيش في حالات الضرورة
Submitted by مُعذَّب1 on Tue, 2008/09/02 - 23:34.
يعني إيه "حالة ضرورة"؟
يعني تفتيش فرضته حالة طارئة، و يتم فيها التفتيش دون إذن من النيابة أو المحكمة و في غير حالة من حالات التلبس، و دون رضا الشخص لأن الظروف هي ال فرضت الموقف. read more »
( categories: )
تفتيش الأنثى
Submitted by مُعذَّب1 on Tue, 2008/09/02 - 23:31.
لو كانت ال تتفتش أنثى يبقى لازم ال تفتشها تكون أنثى زيها يندبها الضابط أو النيابة أو المحكمة ال تجري التفتيش، لكن لو كان التفتيش دون تفتيش الأنثى تفتيش ذاتي يجوز للضابط أنه يفتش شنطتها بنفسه، و لو مسك الضابط ال يفتشها الممنوعات في يد الأنثى و فتح يدها بالعافية يكون التفتيش صحيح لكن مش من حقه يفتشها في أماكن لا يجوز له الاطلاع عليها أو لمسها، و لا يقلعها ملابسها1.
أعمل إيه لو حد من الشرطة حاول يفتشني أو يفتش بنتي أو أختي أو أمي تفتيش ذاتي أو حاول يقلعني هدومي علشان يفتشني؟
( categories: )
التفتيش الذاتي
Submitted by مُعذَّب1 on Tue, 2008/09/02 - 23:16.
إيه الحالات ال يتفتش فيها الشخص تفتيش ذاتي؟
لو جاز القبض على شخص يقدر الضابط أو الأمين إنه يفتشه تفتيش ذاتي، أو لو كان صدر له إذن بالتفتيش من النيابة أو المحكمة، أو ممسوك في حالة من حالات التلبس بجريمة، لكن في كل الأحوال لو كان المتهم ال يتفتش أنثى لازم ال تفتشها أنثى زيها يجيبها الضابط و يندبها لتفتيشها1. read more »
( categories: )
التفتيش
Submitted by مُعذَّب1 on Tue, 2008/09/02 - 23:06.
الحرية الشخصية للناس حق طبيعي مصان لا يُمسن و لا يتم القبض و لا تفتيش و لا حبس و لا تقييد حرية الناس و منعهم من التنقل من مكان لمكان آخر إلا بأمر من القاضي المختص أو من النيابة العامة ماعدا في حالات التلبس1.
يعني إيه تفتيش؟
التفتيش إجراء من إجراءات التحقيق الممكنة في قضية حصلت بالفعل، مش لسه هتحصل في المستقبل، و النيابة العامة بتحقق فيها للبحث على دليل من أدلة الجريمة يوصل لكشف الحقيقة لإثبات الجريمة على المتهم ال ارتكبها، و ينسبوا له التهمة و ممكن يكون بتفتيش المتهم شخصيا أو بتفتيش سيارته أو محله أو مكتبه أو بيته2. read more »
( categories: )
الكعب الداير
Submitted by مُعذَّب1 on Tue, 2008/09/02 - 22:35.
يعني إيه كعب داير؟
ما فيش حاجة اسمها كعب داير، و الموضوع دا قديم جدا و انتهى من زمان، و كانت الشرطة لما تمسك متهم تلففه على مديريات الأمن و الأقسام علشان تعرف إن كان عليه أحكام قائمة أو مطلوب القبض عليه في قضية، و الموضوع دا مش بيحصل في الوقت الحالي.
أحيانا نسمع إن ممكن الواحد يعموا له كعب داير علشان يبهدلوه؟
الكلام دا كان بيحصل قبلما يدخل الكمبيوتر في وزارة الداخلية، لكن بعد دخول الكمبيوتر في جميع الأقسام بيكشفوا على أي متهم في دقائق و مش محتاجين يلففوه على المحافظات أو الأقسام زي زمان. read more »
( categories: )
التكليف بالحضور لجلسة في المحكمة
Submitted by مُعذَّب1 on Tue, 2008/09/02 - 22:26.
إيه هو التكليف بالحضور لجلسة في المحكمة؟
هو أمر من النيابة تأمر فيه المتهم و تكلفه إنه يحضر جلسة في المحكمة لكن لو المتهم حضر من نفسه الجلسة يكون تصحح عدم الإعلان للتكليف بالحضور لجلسة1.
فيه مواعيد لتكليف الحضور لجلسة؟
التكليف بالحضور لجلسة في المحكمة يكون قبل الجلسة بيوم في المخالفات و 3 أيام في الجنح و 8 أيام قبل الجلسة في الجنايات2.
إيه مواصفات ورقة التكليف لحضور جلسة في المحكمة؟
لازم يكون مذكور فيها التهمة الموجهة للمتهم و نصوص القانون ال تعاقبه على الجريمة الموجهة له3. read more »
( categories: )
