احدى السيدات من ضحايا البلطجة المدعومة امنيا فى كفر العلو  

"إحنا تقريبا 26 أسرة.. كنا شاريين أرض.. تنازل من أصحابها لينا مقابل فلوس وعندنا العقود.. ما كناش نعرف إنهم مش مخلصين الأوراق.. هي أرض إصلاح.. وهم معاهم حيازة مش ملكية..

في 2004 سمعنا إن الأرض هتتاخد.. الأستاذ مصطفى بكري قال ابنوا وعيشوا فيها وما حدش يقدر ياخدها.. كلنا بنينا مع بعض تقريبا.. من غير مسلح.. طوب وخشب وعشنا.. وإحنا بنبني جالنا أمر إزالة.. خلصناها من القسم.. ومن بعدها ما حصلش حاجة.. ولا حد كلمنا في حاجة لحد فجر رابع يوم العيد الصغير (أكتوبر 2007).. عربيات أمن بالآلالفات ولا لما يكونوا إسرائيليين.. ما ادوناش فرصة.. مسلحين.. وبيقولوا العصيان اللي معاهم بتكهرب.. خرجنا من غير ما ناخد أي حاجة.. دلوقتي بيبنوا فيها محطة ميه.. وبيقولوا ده مشروع جمال مبارك..".